മനുഷ്യന്റെ തൊലിയുരിഞ്ഞിട്ടതിലൊരു
കശാപ്പുകാരനിരുന്നു കത്തി മിനുക്കുന്നു
മുറിച്ചു മാറ്റിയ തലയൊരു
ചുവന്ന പലകപ്പുറത്തിരിക്കുന്നു..
വേതാള രൂപങ്ങള് കൂട്ടമായ്
പച്ച മാംസം വില പറഞ്ഞുറപ്പിക്കവേ
മുന്നിലായ് സ്വന്തം ശരീരം
കൊത്തി നുറുക്കവേ
കൊഴുത്ത രക്തത്തില് കഴുത്തമര്ത്തി
ആ മുഖമുച്ചത്തില് അലറുന്നു.
" മുറിച്ചെടുക്കെന് കശാപ്പുകാരാ ,
എനിക്കായെന് അവശിഷ്ടങ്ങളെങ്കിലും
ഈ ഒഴുകുന്ന ചോരയില് ,
മുറിച്ചു മാറ്റിയ അംഗങ്ങളില് ,
എനിക്കുമുണ്ടൊരല്പമവകാശമെന്നറിക നീ..."
No comments:
Post a Comment