മഴനൂലുകൾ കോർത്തൊരു ഓർമ്മസൂചിയാൽ
ഇഴകൾ പാകിത്തുടങ്ങണം
സമയമില്ലിനി, മണലൂർന്നിറങ്ങും മുന്നെ
യാത്രകൾ തീർക്കണം
സമയമില്ലിനി, മണലൂർന്നിറങ്ങും മുന്നെ
യാത്രകൾ തീർക്കണം
നാട്ടിലോട്ടൊന്ന് പോകണം
കാഴ്ചകൾ കണ്ണിൽ നിറയ്ക്കണം
ശബ്ദങ്ങൾ ഹൃത്തിലാക്കണം
ഗന്ധങ്ങളിൽ ലയിച്ചിരിക്കണം
രസമുകുളങ്ങളെ രുചികളാലുണർത്തണം
നാടിനെ നാടായറിയണം
കാഴ്ചകൾ കണ്ണിൽ നിറയ്ക്കണം
ശബ്ദങ്ങൾ ഹൃത്തിലാക്കണം
ഗന്ധങ്ങളിൽ ലയിച്ചിരിക്കണം
രസമുകുളങ്ങളെ രുചികളാലുണർത്തണം
നാടിനെ നാടായറിയണം
കാവിൽ, കുളപ്പടവുകളിൽ
ആൽമരച്ചോട്ടിൽ,
സ്ക്കൂളിന് മുന്നിലെ നെല്ലിമരത്തിന്നരികിൽ,
നെറ്റിയിൽ മുറിപ്പാടു തീർത്ത
പാറക്കൂട്ടങ്ങളിൽ,
നാട്ടുമാങ്ങകൾ തിരഞ്ഞ
ഇല്ലിക്കാടുകളിൽ,
ഒന്നൂടെ പോകണം
ആൽമരച്ചോട്ടിൽ,
സ്ക്കൂളിന് മുന്നിലെ നെല്ലിമരത്തിന്നരികിൽ,
നെറ്റിയിൽ മുറിപ്പാടു തീർത്ത
പാറക്കൂട്ടങ്ങളിൽ,
നാട്ടുമാങ്ങകൾ തിരഞ്ഞ
ഇല്ലിക്കാടുകളിൽ,
ഒന്നൂടെ പോകണം
നാരകത്തിലെ മുള്ള് പൊട്ടിക്കണം
ഓലക്കീറിൽ കഥകൾ കോറണം
ചെമ്പരത്തിച്ചുവപ്പിൽ,
ശംഖുപുഷ്പ നീലിമയിൽ,
മറന്ന നിറങ്ങൾ തിരയണം.
ഓലക്കീറിൽ കഥകൾ കോറണം
ചെമ്പരത്തിച്ചുവപ്പിൽ,
ശംഖുപുഷ്പ നീലിമയിൽ,
മറന്ന നിറങ്ങൾ തിരയണം.
എന്നിട്ടൊടുവിൽ മടങ്ങണം.
ഈ ഇന്നലെകളെക്കൂട്ടി
ബാക്കിയില്ലാത്ത ഇന്നിലേക്ക്.
ഈ ഇന്നലെകളെക്കൂട്ടി
ബാക്കിയില്ലാത്ത ഇന്നിലേക്ക്.
No comments:
Post a Comment